قصيده لما جيت اكتب عن امي
![قصيده لما جيت اكتب عن امي](https://maqall.net/wp-content/uploads/2022/08/قصيده-لما-جيت-اكتب-عن-امي.jpg)
قصيده لما جيت اكتب عن امي واحدة من القصائد التي برع فيها الشاعر المصري هشام الجخ، حيث إنها انتشرت بسرعة ونالت اهتمام العديد من الأشخاص لحملها للألفاظ الرائعة والجميلة، فعبر موقع maqall.net سوف نذكر لكم هذه القصيدة.
محتويات المقال
قصيده لما جيت اكتب عن امي
كتب الشاعر هشام الجخ قصيده لما جيت اكتب عن امي كما هو على النحو الآتي:
“لما جيت أكتب عن أمي
قولت عنها شايلة همي
قولت دي بتجري في دمّي
قولت ياما حاجات كتير مش جديدة
لما جيت أكتب عن أمي عاجزة قدامي القصيدة
شايلة سِرّي..
كان زمان بيني وبينها حبل سُرّي
اتقطع يوم الولادة واتوصل حبل الوداد
حب متحولش عادة من كلام رب العباد
حبها أصلا عبادة
في التعب كانت بتسأل
جه مؤنث جه مذكر
جه بيضحك جه مكشر
جه على الدنيا بسلامة
وقتها ماكنتش بفكر
كنت بابكي وكانت بتحضن بابتسامة
وقتها مكنتش بفكر
ده الضنا جه من الضنى
لما جيت أكتب عن أمي لاقتني بكتب عني أنا
لما جيت أكتب عن أمي عاجزة قدامي الحروف
قام الألِف زعّق وقف
قاللي ما تفهم يا ولا
ده أنا مشترك في اسم من لا شريك له
وأول الاسم الألِف
وأول الأم الألِف
ودي مش صدف
ربك بيخلق من العدم خلق الألم وهنًا على وهن
شالتني لحد ما بلغت الحُلُم
وياما بتدلّع عليها وياما بتمنّع عليها
وياما حاوطتني بجناحها
وياما دمعت في عينيها
ومن أيديا تاتا تاتا
ورجلي داست على البلاطة
وداس عليها عجل زماننا
وكانت بتحضني ببساطة
ولما بتعب كانت بتتعب كانت تطبطب
كانت تجيبلي الشوكلاتة
كبرت فجأة
لاقتني بزهق من كلامها عن السجاير
عن العيال اللي مصاحبهم على الدراسة
خش ذاكر!
اجي اتدلع تقوللي ده أنت راجل
ده اللي قدك دخلوا دنيا
بص يا ابني
خلي بالك دي السنين زي الكلونيا
تحطها بتطير بسرعة
ماتلاقيش لهواها ريحة
السنين بجحة وصريحة
أمي مابتعرفش تجرح
بس ياما باتت جريحة
لما جت وقفت قصادي
قالتلي أنت امتدادي
أنت نور عيني اللي شبهي
أنت دونا عن ولادي
وقتها أنا كنت غاوي للغناوي
كنت أسيبها قاعدة وانزل اترمى في حضن القهاوي
هي ديا أحلى عيشة
هاتلي نار على فحم شيشية
هاتلي طاولة
أمي دي فاكراني طيشة
لأ دة انا راجل بشنبي
بصوا دقني
وأما جالي الحزن داقني
والزمان خد مني خانة
الدوا اللي عند امي
مش لاقيه ف الاجزخانة
كل ليلة كنت برجع والدُعا صالبلي ضهري
والتعب فارد طريقي والسنين بتقولي اجري
في الزمن عمال بسابق
بلتقي بحضن بفارق
زحمة الدنيا خدتني
مفتكرهاش إلا لما بس الاقي الاكل حادق
أنت فين مش عارف اكل
اقعدي جانبي تعالي اسمعي آخر المهازل
مرة واحد حب ينجح قاله عنه انّه فاشل
مرة واحد حب واحدة بس سبها لأنه عاطل
قالوا عني إني شبهك
قالوا واخد شكل شعرك
ضعف نظرك
والسنان البايظة منك
ياما جرحوني يا أمي وبدعاكي جت سليمة
هما لما يقولوا عني ابن أمي دي شتيمة!
كملي جميلك يا أمي وبعد عمر طويل أوي
روحي للرحمن قوليله ان ابني بيحبني أوي
ياما زعلني وسامحته
ياما زعقلي وكان يكفيني بس اشم ريحته
كان بينسى يقولي شكرا وانا باديه من حياتي
بس أنا وأنت اللي عالِم كنت بدعيله يوماتي
ربنا يهديه يسامحه
كان كتير يصعب عليا لما اشوف في عيونه جرحه
مهما يعمل لسة ابني اللي كان في اللفة خايف
مهما ينطق لسة سامعة ماما من أصغر شفايف
كملي جميلك يا أمي
وروحي للرحمن قوليله
هو ابني امتدادي
هو نور عيني اللي شبهي
واما جيت أكتب عن أمي
برضه كل كلامي عادي”.
اقرأ أيضا: عبارات عن الام للواتس اب
معلومات عن الشاعر هشام الجخ
بعد أن ذكرنا لكم نص قصيده لما جيت اكتب عن امي، ففيما يلي سوف نشير إلى بعض المعلومات عن كاتب هذه القصيدة وهو الشاعر هشام الجخ:
- وُلد في محافظة سوهاج، وذلك في عام 1978 ميلادًا.
- اشتهر بعد ثورة 25 يناير بسبب قصيدة مشهد رأسي من ميدان التحرير.
- تخرج في كلية التجارة جامعة القاهرة، ولكنه حصل على درجة البكالوريوس من جامعة عين شمس.
- أسس المركز الثقافي عام 2009 ميلاديًا مع أصدقائه في عين شمس.
- تميز باختيار أسلوب رائع يتلاءم مع مختلف الأذواق، وهو كتابة القصائد باللغة العامية بدل الفصحى.
- ألقي أول أمسية موسيقية شعرية كانت في غاية الروعة عام 2010.
- أطلق عليه جمهوره لقب هويس الشعر العربي، وهو يعني من يروى الشعر بواسطة الماء.
- تزوج عام 2004، وأنجب بنتين وولد واحد، ولم يذكر أي شيء آخر عن حياته الشخصية.
الجوائز التي نالها هشام الجخ
كانت قصيده لما جيت اكتب عن امي وغيرها من القصائد التي حصلت على رواجًا بين محبي هشام الجخ سببًا في حصوله على العديد من الجوائز مثل:
- المركز الثاني عام 2011 م في المسابقة الإماراتية أمير الشعراء وذلك للشعر الفصيح.
- جائزة أحسن شاعر عامية من قِبل اتحاد الكتاب المصري، وكانت في عام 2008 م.
- التكريم في مهرجانات هلا فبراير في دولة الكويت، مهرجانات تونس الشهيرة مثل مهرجان ربيع الفنون وأيضًا مهرجان الفرح الأفريقي.
قصائد أخرى لهشام الجخ
لقد ألف هشام الجخ العديد من القصائد، ولكن هناك مجموعة هي لفتت انتباه الكثيرين بشدة مثل:
- متزعليش.
- جحا.
- التأشيرة.
- آخر ما حرف في التوراة.
- الجدول.
- طبعا ماصلتيش العشا.
- 3 خرفان.
- إيزيس.
- أيوة بغير.
شاهد من هنا: الجنه تحت اقدام الامهات حديث ام مقوله
أشاد هشام الجخ في قصيدته عن الأم بدورها العظيم في تربية أبنائها، وقام بمدحها، والثناء على فضلها، حتى يوصل للقارئين بأنها هي الصدر الحنون، والوحيدة التي تعطي دون مقابل.